TIRANË– Kryetari i Partisë Demokratike Sali Berisha ka folur në lidhje me protestën që do të mbahet nesër para parlamentit ndërkohë që brenda tij do të zhvillohet seanca plenare. Gjatë fjalës së tij para grupit të PD kryedemokrati tha se kryeministri Edi Rama nuk duhet të futet nesër në seancë. Sipas Berishës edhe nëse kreu I qeverisë fuet duhet mbajtur nën presionin e tmerrshëm të revolucionit.
Sali Berisha: Nesër është një ditë prove, prove e fortë. Protesta është thirrur në ora 10, sepse në orën 10, RamGonigali hyn në parlament. A ka përdhosje më të madhe për atë parlament se hyrja e kryeministrit si RamGonigali? Prandaj qytetarë, siç zhvilluam të hënën që kaloi një betejë të shkëlqyer brenda dhe jashtë parlamentit, i bëj thirrje cilitdo, që ka minimumin e mundësive, të lërë çdo gjë dhe të vijë nesër në orën 10 në protestë. RamGonigali nuk duhet të hyjë në parlament. Edhe po hyri, duhet të mbetet nën presionin e tmerrshëm të revolucionit aty ku është, brenda parlamentit.
