TIRANË– Kryetari i Partisë Demokratike po zhvillon një komunikim live në Facebook me ndjekësit ku po u përgjigjet pyetjeve të tyre. Kreu i PD tha se protesta e 11 shkurtit do të jetë një revolucion dhe ka për objektiv rrëzimin e kryeministrit Edi Rama.
Sa i përket zgjedhjeve të 14 majit dhe se a do të jetë në gjendje Partia Demokratike të mbrojë votën e qytetarëve Berisha tha se mbrojtja e votës ka kusht largimin e Edi Ramës dhe përsëriti dhe njëherë thirrje për qytetarët që të bashkohen në protestën e thirrur nga opozita me 11 shkurt para Kryteministrisë.
Po ashtu lideri demokrat iu përgjigj dhe pyetjes së një qytetari, i cili i shkruante se a mund ta rrëzojë populli vetë kryeministrin Rama. Sipas kryedemokratit populli nuk duhet të bëjë vetëgjyqësi. Për vendoret e 14 majit Berisha garantoi demokratët se PD do të garojë me siglen e saj pasi sipas tij kjo sigël ka rrëzuar dhe etërit e Ramës nga pushteti 32 vite më parë.
Pyetje: Protesta do jetë një shëtitje e radhës?
Sali Berisha: Protesta është sipari i një revolucioni që ka për objektiv madhor rrëzimin e kësaj kalbësire që qeveris në Shqipëri dhe emrin e ka Edi Rama.
Pyetje: Si do e mbrosh votën më 14 maj?
Sali Berisha: Mbrotja e votës ka një kusht, largimin e Ramës. Ndaj ju ftoj të largojmë këtë demon pushteti që ndan psikologjinë e Spiro Kolekës e Kristaq Ramës ndaj kundërshtarëve politike, që korrupton agjentët e FBI për të garantuar një Shqipëri pa opozitë.
Pyetje: A mundet populli ta kapë Ramën e ta burgosë vetë?
Sali Berisha: Jo populli nuk mund të bëjë drejtësi vetë, populli mund ta përmbysë Ramën dhe Ramës t’i tregojë vendin drejtësia e reformuar. Në këto zgjedhje do konkurojmë me siglën që përmbysëm etërit e Ramës, ky demon pushteti, kërkon tani që të na përjashtiië nga zgjedhejt që të fitojë me Ali Bashën zgjedhjet e 14 majit, por llogaritë i ka gabim, si i dolën gabim llogaritë me Mc Gonigalin këtë herë shqiptarët do i tregojnë vendin e do mjerohet në këtë përpjekje primitive.
