Protesta e 12 nëntorit në sytë e mediave ndërkombëtare

Për protestën e mbajtur ditën e djeshme në Tiranë kanë shkruar  dhe mediat e huaja.

Duke nisur nga mediat e vendeve fqinj si Protothema, Zogula dhe duke vazhduar në agjensitë më të mëdha botërore si Reuters, Associated Press, Daily Mail, të gjitha mediat kanë pasqyruar ngjarjet e të shtunës pasdite në Shqipëri.

Në artikullin e shkruar nga Associated,shkruhet se nga protesta u arrestua një qytetarë. Po ashtu mediat kanë shkruar edhe arsyet se përse qytetarët shqiptarë dolën në protestë pasditen e djeshme.

Policia dhe protestuesit në Shqipëri janë përleshur para zyrës së kryeministrit Edi Rama në Tiranë pasi dhjetëra mijëra njerëz u mblodhën atje për të protestuar kundër korrupsionit dhe krizës së kostos së jetesës në vend. Pasi demonstruan në mënyrë paqësore për rreth tre orë, protestuesit shpërthyen kordonët e policisë rreth zyrës së Ramës të shtunën dhe spërkatën bojë kuq e zi në dyert kryesore të ndërtesës së qeverisë.

Të tjerë ndezën qirinj në kujtim të dy burrave që, sipas opozitës, vdiqën ndërsa ishin në paraburgim. Shqipëria ka parë një rritje çmimi prej 8 për qind këtë vit, veçanërisht për ushqimet bazë dhe karburantet, pas pushtimit rus të Ukrainës. Rama thotë se kabineti i tij e ka mbajtur inflacionin të ulët krahasuar me inflacionin dyshifror kudo në Evropë dhe ka vënë në dukje se qeveria subvencionon energjinë elektrike për familjet dhe bizneset e vogla. Mbështetësit e opozitës kanë fajësuar gjithashtu Ramën për mijëra të rinj që largohen çdo vit nga vendi në kërkim të një jete më të mirë.

Daily Mail shkruan se mijëra njerëz dolën dje në rrugët e kryeqytetit shqiptar, Tiranë, për të protestuar kundër qeverisë socialiste të Edi Ramës.

Ato citojnë Berishën teksa tha se Rama është fajtori për largimin masiv të të rinjve nga Shqipëria, gjë që e ka lënë Britaninë përballë valëve të emigracionit të paligjshëm.

Ish-kryeministri dhe kreu i Partisë Demokratike pretendoi se bota tani ‘na sheh si njerëz gomone’ pasi rreth 12,000 shqiptarë kaluan Kanalin me varka të vogla këtë vit. “Shqiptarët sot janë një popull gomone”, deklaroi ai, “sepse dikush, dhe ky është Edi Rama, ua grabiti votën, i ktheu liritë e tyre në iluzion, në një votë fiktive, vetëm që të qëndronte në pushtet. ‘

Në fillim të këtij muaji Rama akuzoi qeverinë britanike për diskriminim ndaj shqiptarëve për të shkëputur vëmendjen nga ‘dështimet e saj politike’, shkruan Daily Mail.

Media greke Zougla.gr shkruan se mbështetësit e opozitës shqiptare u përleshën me policinë jashtë zyrës së kryeministrit Edi Rama, ku dhjetëra mijëra protestues u mblodhën të shtunën për të denoncuar korrupsionin, varfërinë e përhapur dhe një numër në rritje të qytetarëve që ikin nga Shqipëria në kërkim të një jete më të mirë.

Pasi protestuan në mënyrë paqësore për rreth tre orë, protestuesit çanë kordonin e policisë rreth selisë së qeverisë dhe hodhën bojë të zezë dhe të kuqe. Një protestues u arrestua nga policia.

“Ashtu si 32 vjet më parë, bota na sheh si popull gomonesh,” tha kreu i Partisë Demokratike, Sali Berisha, duke iu referuar numrit në rritje të shqiptarëve që kërkojnë një të ardhme më të mirë në Britani.