TIRANË– Ministri i Brendshëm Bledi Çuçi ditën e sotrme zhvilloi një takim me Drejtorin e Përgjithshëm të Policisë së Shtetit Muhamet Rrumbullaku ku folën për masat e marra në lidhje me protestën e opozitës më datë 6 dhjetor dhe për samitin BE-Ballkani Perëndoimor ku do të marrin pjesë liderët europianë, e cila do të mbahet në të njëjtën ditë. Ministri u tregua i prerë kur deklaroi se asnjë nuk do të lejohet që të futet brenda ‘zonës së kuqe’ të sigurisë dhe se ai që do të tentojë do të arrestohet. Sa i përket protestës Çuçi tha se nuk do ta pengojnë atë por duhen të merren të gjitha masat që protestuesit të zbatojnë masat e sigurisë.
“Ju garantoj që çdo gjë do të shkojë më së miri. Jemi plotësisht të përgatitur tamam si një vend europian. Ne asnjëherë s’kemi qenë kundër protestave, gjithmonë e kemi garantuar të drejtën kushtetuese për të protestuar. Kësaj radhe thjesht ka një zonë të kuqe ku do të zhvillohet samiti dhe s’mund të protestohet. Jashtë kësaj zone ne do të marrim gjithë masat që edhe protesta të zhvillohet”, tha Çuçi.
