TIRANË– Sekretari i Përgjithshëm i Partisë Demokratike Flamur Noka ka treguar detaje nga protesta që do të mbahet ditën e sotme në orën 17:00 para parlamentit. Po në të njëjten orë do të zhvillohet dhe seanca plenare, e cila pritet të shoqërohet me debate dhe tensione të forta mes palëve. Kur një pjesë e deputetëve do të jenë jashtë Kuvendit pasi janë të përjashtuar pjesa tjetër do të vijoijë debatin në sallë. I ftuar në News 24 Noka tha se protestat nuk do të ndalen, ndërsa tha se do të vijojnë protestat para Parlamentit. Ai shtoi se tashmë e në vijim do të ketë dy Parlamente, ai brenda e deputetët, dhe ai jashtë me qytetarët.
Sali Berisha: Situata ën të cilën zhvillohet ky revolucion është e imponuar nga sjellja e kryeministrit dhe organizatës së tij kriminale që quhet qeveri. Afera Rama-McGonigal nuk mund të kalojë, sepse është aferë korruptive për të goditur opozitën. Rama nuk mund të jetë më kryeministër i këtij vendi. E gjithë kjo është bërë vetëm për t’i shërbyer karriges së Edi Ramës. Janë 750 mijë opozitarë që nuk mund t’i nëpërkëmbë apo t’i shkelë Rama. E kemi sot protestën, do ta kemi ditën e enjte, pasi parlamenti është shndërruar në një fole ku krimi dhe korrupsioni janë bashkë. Ky Parlament ose do t’i rikthehet legjitimitetit, ose Parlament duke zhdukur opozitën nuk do të ketë! Sot do të ketë dy Parlamente dhe do të ketë në vazhdim, një Parlament brenda dhe një Parlament jashtë, ai i qytetarëve. Edi Rama nuk mundet t’a kalojë këtë situatë.
