TIRANË- Banorët e Bërxullës kanë dalë këtë të dielë në protestë për të kundërshtuar ndërtimin e aksit Thumanë-Kashar. Këta të fundit janë mbledhur te rruga e Rinasit dhe kanë bllokuar një aks të kësaj rruge. Banorët pretendojnë se nuk janë kundër ndërtimit të rrugës, por kërkojnë që të shpronësohen për tokën e tyre, ndërsa janë shprehur se nuk pasur asnjë tentativë për negociata në mënyrë institucionale për të arritur një marrëveshje për këtë çështje
Një prej banorëve u shpreh se deklaratat nga ana e ministres Belinda Balluku dhe të qeverisë për rënie dakordësie nuk janë të vërteta, pasi nuk kanë takuar asnjë person nga institucionet shtetërore për arritjen e një ujdie
“Ne nuk kemi gjetur asnjë zgjidhje deri më sot. Asnjë përgjigje nga institucionet shqiptare sa do të jetë e aksesueshme pjesa tjetër e pronës. Do ndërpritet rruga dhe nuk kam ku të hyjë. Nuk e kuptoj këtë neglizhencë të qeverisë mbi një projekt që është tërësisht vjedhje. Kjo rrugë është e mbyllur, ne nuk jemi kundër projektit por jemi për dëmshpërblim në bazë të ligjit që është në fuqi. Nuk ka asnjë lloj shkrese, që të negociojë me ne, pavarësisht se Belinda Balluku dhe ata tjerët thonë që kemi rëndë dakord me banorët, Nuk ka ardhur asnjë njeri. Prandaj dal në protestë unë se dua ta di, sa është dëmshpërblimi im”
Në këtë protestë janë regjistruar edhe përplasje midis shërbimeve policore dhe banorëve. Ndërkohë kujtojmë se një zonjë dhe nipi i saj, banorë të prekur nga projekti i rrugës, kërcënuan se do të hidhen nga shtyllat e tensionit dhe do të vetëflijohen nëse nuk marrin një përgjigje nga institucionet.
.
