TIRANË– Studentët e mjekësisë kanë mbërritur para Ministrisë së Arsimit pas marshimit që bënë në këmbë nga ambinetet e fakultetit. Ata kundërshtojnë planin e qeverisë për kushtëzimin e diplomave të tyre.
Studenti: Nuk ka konsultime, nuk ka pasur tentativa për diskutime. Ne kemi mbetur në nivelin e protestave pa përgjigje. U dërguan emaili tek të gjithë studentët dhe sipas dëshirës janë mbledhur për ta diskutuar.
Pyetje: Ka tentativa për të përçarë protestën?
Studenti: Nuk mund të them këtë, ne kemi treguar që jemi të bashkuar. Nuk mund të na përçajnë. Dua të sqarojmë opinioni publik, ne po luftojmë për një të drejtë, jo për tu larguar nga vendi, por një të drejtë që e gëzojnë të gjithë, e drejta për të punuar aty ku kanë dëshirë.
Qeveria ka propozuar për një kontratë punë tre vjeçare në Shqipëri, ose të paguajnë një tarifë prej 5 mijë eurosh dhe më pas të marrin diplomën.
