TIRANË– Partia Socialiste feston këtë të hënë 32-vjetorin e themelimit të saj. Përmes një postimi në Facebook kreu i qeverisë njëherazi kryesocialisti Edi Rama shkruan se PS është e vetmja forcë politike që nuk e ka ndryshuar drejtimin e interesit kombëtar.
POSTIMI:
MIRËMËNGJES, dhe me flamurin e forcës së vetme politike shqiptare, që në asnjë rast apo çast qysh prej krijimit të saj, nuk ka lëvizur nga drejtimi i interesit kombëtar, duke qenë njëkohësisht e vetmja forcë politike shqiptare e cila votohet më shumë nga gratë se sa nga burrat, i uroj çdo anëtari e anëtareje të familjes sonë të madhe, gëzuar ditëlndjen e Partisë Socialiste, si edhe të gjithëve ju një ditë sa më të mbarë.
