RROGOZHINË– Ka përfunduar procesi i numerimit të votave në Bashkinë e Rrogozhinës. Kandidati i Partisë Socialiste Edison Memolla fiton bindshëm një mandat tjetër të krye të bashkisë. I pranishëm në KZAZ-në 43 është vetëm Memolla. Nga momenti në moment pritet të shpallet fitorja nga PS.
32 mijë e 826 qytetarë me të drejtë vote kishin mundësi të dielën që të votonin për të zgjedhur kryebashkiakun e ri të Rrogozhinës. Procesi nisi në orën 07:00 dhe u mbyll në orën 19:00. Ndryshe nga 14 maji këtë të dielë votuan vetëm një fletë votimi, atë për kryebashkiakun, ku i pari në fletën e votimit ishte i renditur kandidati socialist Edison Memolla dhe numri 2 Shkëlqim Hoxha nga “Bashkë Fitojmë”. Po të njëjtët si në zgjedhjet e 14 majit por procesi u përsërit pas shkeljeve që Kolegji Zgjedhor hasi në procesin që i dha fitoren socialistit Edison Memolla. Të burgosurit, të cilët i dhanë fitoren Memollës nuk mundën të votojnë pasi ishte pikërisht kutia e burgut të Rrogozhinës që bëri që zgjedhjet të përsëriteshin pas shkelje të konstatuara.
