TIRANË– Shefja e misionit të OSBE-ODHR Audrey Glover në Tiranë po zhvillon një konferencë për shtyp me gazetarët në lidhje me zgjedhjet vendore të 14 majit. Ajo u pyet nga gazetarët për faktin se eksponentë të lartë të Partisë Socialiste dhe kryeministri Edi Rama po përdorin fondet publike për fushatë dhe se a përmbën kjo një shkelje të vendimit të Komisionit Qëndror të Zgjedhjeve. Glover tha se po e shikon me shumë kujdes këtë pjesë.
Pyetje 4 vite më parë e gjetët vendin në një krizë politike, sa ndikon situata e tanishme e opozitës në zgjedhje?
Audrey Glover : Nuk i krahasojmë dot zgjedhjet. Sapo kemi ardhur dhe mendoj që është shumë herët për të thënë se si do të jetë rezultati. Do i shohim me shumë kujdes zhvillimet dhe shpresojmë për më të mirën.
Pyetje: Një nga problematikat më të mëdha të zgjedhjeve është përdorimi i burimeve politike të PS për fushatën zgjedhore, duke shkelur edhe KQZ. Ndërkohë që edhe kryeministrit Edi Rama tha shpërblime për pensionistët, a po cënohen standartet e zgjedhjeve?
Audrey Glover: Në fakt në një raport që ka nxjerrë misioni i vlerësimit të nevojave është identifikuar kjo fushë si më me rëndësi për t’u vëzhguar. Do i kushtojmë shumë rëndësi.
