TIRANË– Tërhiqet maxhoranca. Pas kërkesës së opozitës për seancë të posaçme në lidhje me kërkesën e SPAK për heqjen e mandatit dhe arrestimin e ish-zëvendëskryeministrit Arben Ahmetaj Partia Socialiste ka rënë dakort që kjo seancë të zhvillohet ditën e nesërme.
Në mbledhjen e konferencës së kryetarëve të kërkuar nga kreu i grupit socialist Taulant Balla palët rënë dakort që seanca e posaçme të zhvillohet të premtën në orën 10:00. Ndërkohë seanca e sotme vijon të jetë e tensionuar.
Prokuroria e Posaçme Kundër Korrupsionit dhe Krimit të Organizuar (SPAK) i ka kërkuar Kuvendit më datë 10 korrik 2023 heqjen e mandatit të ish-ministrit të Financave tashmë deputet i PS dhe lejen për arrestimin e tij. Arben Ahmetaj, ish-numri dy i qeverisë Rama akuzohet nga SPAK për tre vepra penale: “Mosdeklarim apo fshehje të pasurive”, “Korrupsion pasiv” si dhe “Pastrim parash”.
