VLORË– Socialistët e Vlorës kanë zgjedhur këtë të shtunë kandidatin e tyre për bashkinë e Vlorës në zgjedhjet vendore të 14 majit. Kështu në mbledhjen e sotme të Asamblesë ku i pranishëm ishte dhe kryesocialisti Edi Rama, Ermal Dredha u zgjodh si përfasqësues i të majtëve në Vlorë përballë kandidatit të opozitës.
Ndërkohë mësohet se mbledhja është shoqëruar dhe me diskutime të forta ku kryemiunistri Edi Rama ka pasur kritika për deputetët socialistë sa i përket fushatës.
Që pas krisjes së tij me Ramën Dritan Leli tashmë është shpallur i “padëshirueshëm” në Partinë Socialsite. Moskandidimi i tij ishte paralajmëruar dhe më herët nga Rama, i cili i “mbylli derën” Lelit.
Po kush wshtw Ermal Dredha
Ermal Dredha ka lindur më 15 tetor 1977. Ai ka punuar më herët si Konsull i Përgjithshëm i Shqipërisë në Bari, Itali, Drejtor i Protokollit të Shtetit në Ministrinë e Jashtme Shef i Sektorit Ceremonial, si specialist te Drejtoria e Informacionit dhe Teknologjisë, si asistent personal i Zv.Kryeministrit dhe Ministrit të Punëve të Jashtme etj. Ka studiuar në Universitetin e Tiranës, Fakulteti i Gjuhëve të Huaja, Italisht / Anglisht; ka kryer kurse diplomacie etj.
