TIRANË– Nënkryetari i Partisë Demokratike Luçiano Boçi ka folur për mediat pas mbledhjes së Komisionit të Etikës në Kuvend ku u diskutua për përjashtimin e 8 deputetëve demokratë. Ai u pyet nga gazetarët se përse u anullua protesta e paralajmëruar nga kryedemokrati Sali Berisha para parlamentit ditën e nesërme ku dhe do të zhvillohet seanca plenare. Boçi tha se protestra ishte thërritur sepse PD ka kërkuar seancë pyetjesh me kryeministrin Edi Rama, e cila është refuzuar të zhvillohet.
LUCIANO BOCI: Do bëhej protesta se ne kemi kërkuar zhvillimin e një seancë që ishte parashikuar sot, sipas rregullores seancë pyetjesh, pyetjet janë depozituar dhe seanca është refuzuar përsëri nga këta që duan të bëjnë sot gjyqin politik. Pavarësisht javës së gjelbër kërkesa është urgjente për seancë pyetjesh, pavarësisht javës së gjelbër, kryeministri duhet të vijë e të parqitet. Është refuzuar por nuk është për përjashtimin e 8 deputetëve. Ka qenë kërkesë për një seancë pyetjesh me kryeministrin është trembur përsëri nuk ka ardhur ka lëshuar zarët e tij që të bllokojë seancën e ja ku jemi sot para një gjyqi politik në vazhdën e telefonatave, urdhrave politik që ai jep nga vrima ku është futur se dhe sot e kësaj dite se dimë fare ku është kryeminsitri dhe a do vijë se ka frikë i ziu të përballet me të vërtetën dhe atë që i ka plasur në dorë
