SARANDË– Pamjet e mëposhtme tregojnë momentin e shpërthimit të fuqishëm të hotel “Bizanti” në Sarandë në orët e para të mëngjesit, shpërthim që terrorizoi qytetin bregdetar. Në pamje duket momenti kur hoteli shembet në tokë ndërkohë që për shkak të shpërthimit të fuqishëm 30 banesa dhe biznese janë dëmtuar deri në një distancë prej 300 metrash ndërsa pluhuri mbuloi gjithë zonën. Për shembjen e tij janë përdorur 30 kg lënde plasëse.
Shkak për këtë shpërthim besohet të jetë një konflikt pronësie mes dy bashkëpronarëve të hotelit, Spiro Çabiri dhe Dhimitër Evangjeliu që janë në proces gjyqësor që prej vitit 2002. Ndërkohë në lidhje me ngjarjen policia ka shoqëruar disa persona por ende nuk ka një emër konkret apo autorë të dyshuar në lidhje me ngjarjen.
