GREQI– Është publikuar foto e 19-vjeçares shqiptare Krisjana Brakaj, e cila u vra me plumb në kokë nga i dashuri i saj Qazim Taja mbrëmjen e djeshme në Pire të Greqisë. Detajet e reja të dala në drita kanë treguar se 19-vjeçarja pasi kishte mbaruar punën kishte shkuar në shtëpinë e Tajes. Aty ata kishin nisur të konfliktoheshin pasi 25-vjeçari ishte shumë xheloz. Në momentin që ajo është ulur në divan Qazim Taja e ka ekzekutuar me plumb në kokë e më pas armën e krimit e ka fshehur në frigorifer.
Sipas dëshmisë së tij por dhe analizave laboratorike Taja ishte nën efektin e lëndëve narkotike. Pas krimit të rëndë ai është vetëdorëzuar në Polici ku dhe ka rrëfyer ngjarjen. Efektivët e kanë gjtur të renë të mbuluar në gjak ndërsa fqinjët kanë treguar se kohët e fundit çifti grindej shpesh por se kurrë nuk e mendonin se do të shkonin deri në këtë pikë.
