GRAMSH– Është publikuar video nga momenti i arrestimit të 80-vjeçarit Xhevit Sinani, i cili pasditën e sotme vrau gruan dhe të vëllanë e tij. Në pamjet e publikuara nga Policia e Shtetit ai shihet me pranga në duar dhe i shoqëruar nga dy efektivë. Po ashtu është publikuar dhe sëpata me të cilën ai kreu krimin.
Ngjarja e rëndë u regjistrua në fshatin Tervol. Në fillim i moshuari ka vrarë gruan e tij Zegjine Sinani, e cila ndodhej në banesë dhe më pas ka dalë jashtë dhe ka shkuar në shtëpinë e të vëllait, e cila ndodhej afër shtëpisë së tij. I vëllai Shaqir Sinani ka qenë në vreshtën e rrushit kur është sulmuar në kokë duke gjetur kështu vdekjen e menjëhershme.
Pas ngjarjes ai është larguar dhe ka shkuar në shtëpinë e krushqve që ndodhej afër dhe ka marrë në telefon fëmijët ku i ka vënë në dijeni të krimit të kryer. Në telefonatën që ka zgjatur vetëm pak sekonda aio u ka thënë atyre se ka vrarë mamanë dhe xhaxhanë dhe më pas e ka mbyllur. Aty kanë shkuar efektivët e policisë që dhe e kanë vënë në pranga. Ai dhe Zegjineja kishin 7 fëmijë nga martesa e tyre, 5 djem dhe 2 vazja të cilët janë tronditur nga lajmi. I vëllai Shaqiri ishte pjesë e grupit folklorik të Gramshit ku i binte fyellit.
NJOFTIMI I POLICISË:
