SARANDË– Personi që shihni në foto është Sotir Çabiri, i cili akuzohet se ka vendosur rreth 30 kg dinamit në hotel “Bizanti” që ishte në pronësi të babait të tij dhe të një tjetri. 36-vjeçari e kreu aktin pas një “lufte” të gjatë të nisur mes babait të tij Spiro Çabiri dhe bashkëpronarit tjetër grek Dhimitër Evangjeliu, i cili me vendim gjykate kishte marrë në zotërim 95% të hotelit. Ai u filmua nga kamerat e sigurisë në zonë.
Ngjarja e rëndë është regjistruar ditën e djeshme pak para orës 06:00 të mëngjesit. Deri më trani raportohet se një sasi prej 30 kg dinamiti të jetë vendosur në hotel “Bizanti” duke shkaktuar një shpërthim të fuqishëm dhe shembjen totale të tij. Për shkak të shpërthimit të fuqishëm janë dëmtuar dhe 30 banesa dhe biznese në një distancë prej 300 metrash nga vendi ku ndodhi shpërthimi ndërkohë bulevardi kryesor ka ende porobleme në qarkullim pasi xhamat dhe inertet kanë dalë në rrugë si pasojë e shpërthimit. Në lidhje me ngjarjen policia ka nisur shoqërimet një prej të shoqëruarve është dhe djali i një prej bashkëpronarëve Spiro Çabiri. Shkak për ngjarjen e rëndë dyshohet të jetë bërë një problem pronësie mes ty bashkëpronarëve Spiro Çabiri dhe Dhimitër Evangjeliu, të cilët që nga viti 20022 enden dyerve të gjykatave për të zgjidhur problemet e bashkëpronësisë së hotelit.
