TIRANË– Një 24-vjeçare e identifikuar me inicialet K.Sh është vënë nën hetim nga Policia e Tiranës pasi kishte publikuar në rrjetet sociale një video ku shfaqej duke mbajtur veshur uniformë me simbole të Policisë së Shtetit. Ajo do të përballet me akuzën e “Mbajtjes pa të drejtë të uniformës”.
NJOFTIMI I POLICISË:
Specialistët për Hetimin e Krimeve të Komisariatit të Policisë Nr. 2 kanë referuar materialet në Prokurori dhe nisi procedimi penal për shtetasen K. Sh., 24 vjeçe, banuese në Tiranë, për veprën penale “Mbajtja pa të drejtë e uniformës”, pasi në rrjetet sociale është publikuar një video në të cilën shfaqet kjo shtetase e veshur me uniformën me simbole të Policisë së Shtetit.’
