BILISHT– Ka vijuar dhe ditën e sotme protesta e punonjësve të fasonerisë në Bilisht. Ato janë mbledhur sërish dhe kërkojnë plotësimin e kushteve të punës dhe pagesat me siguracione. Duke folur për mediat e pranishme punonjëset u shprehen se kanë dalë në protesta pasi një shoqen e tyre e kanë pushuar nga puna dhe kërkojnë rikthimin e saj. Sipas tyre, protesta do të vijojë deri sa të përmbushen kushtet që kanë parashtruar.
“Një shoqja jonë është pushuar nga puna, kjo është arsyeja që në ka nxjerrë këtu. Derisa të kthehet shoqja jonë do të vijojmë të protestojmë. Kushtet, besoj se me këtë që bëmë ne, do të bëhen më të mira,”, thotë njëra prej tyre.
Nga ana tjetër përgjegjësja e fasonerisë në Bilisht thotë se do ta tregojë koha nëse në atë biznes ka pasur punonjëse të pasiguruara. Në një prononcim për mediat, pas protestës së punonjëseve, ajo shprehet se pagat nuk u janë përgjysmuar, por u janë ulur.
“Për punëtoret e pasiguruara do e tregojë koha. Do e tregojë koha. Ndërsa për pagat nuk është se janë përgjysmuar, është ulur nga minimum”, ka thënë ajo.
Ndërkohë bëhet e ditiur se Inspektoriati i Punës ka pezulluar sot aktivitetin, pasi deri më datë 10 subjekti do të inspektohet. Sakaq, mësohet se ndaj subjektit ‘Toni Oil’ është vendosur një masë administrative emergjente.
Gratë që punojnë në fasori doolën ditën e djeshme në protestë pasi 5 kolegeve të tyre iu hoqën 10 mijë lekë të reja nga paga. Pas kësaj u pushua nga puna dhe drejtuesja e Sindikatës, e cila në një prononcim për mediat deklararoi se u hoq me pa të drejtë pasi kërkoi të drejtën e shpjegimit nga pronarët se përse kolegeve të saj iu hoqën 10 mijë lekë nga paga.
