SHËNGJIN– Punonjësit e Portit të Shëngjinit kanë dalë sërish këtë të premte në protestë për mosmarrjen e pagave. Ata shprehen se prej 3-muajsh nuk marrin rrogën. Sot ata kanë bojkotuar punën dhe janë mbledhur brenda ambienteve të ndërmarrjes, duke kërkuar zgjidhje të problemit që sipas tyre ju ka krijuar vështirësi financiare.
Në mbështetje të tyre ka qenë kreu i Konfederatës së Sindikatave të Shqipërisë Kol Nikollaj, sipas të cilit shqetësimi i tyre do ti përcillet qeverisë shqiptare. 117 punonjës në Portin e Shëngjinit po përballen me vështirësi të mëdha financiare për shkak të mospagesës. Kjo është hera e dytë që ata mblidhen brenda javës.
