Aktorja australiane Margot Robbie, protagoniste në filmin “Barbie” i cili theu rekorde shikueshmërie pas shfaqjes së tij në kinema ka zgjedhur Greqinë për disa ditë relaksi këtë fund gushti, së bashku me bashkëshortin e saj Tom Ackerley.
Në pamjet e sigurta nga Daily Mail, 33- vjeç shihet e veshur me një palë rroba plazhi të bardha, kombinuar me një varëse ngjyrë ari. Bukuroshja duket teksa zhytet në ujë, ndërsa më pas kalon momentet romantike me bashkëshortin. Robbie në rolin kryesor të “Barbie” fitoi rreth 50 milionë dollarë gjatë krijimit të filmit, ndërsa filmi grumbulloi 1 miliard dollarë në tre javët e para që nga premiera.
Për të promovuar fillimin e kukullës së famshme, Margot rikrijoi disa nga veshjet e Barbie-t, ku dominonte ngjyra rozë.
