Policia e Tiranës ka vënë në pranga dy të rinj, ndërsa ka shpallur në kërkim një person tjetër për vjedhje.
Të arrestuarit janë të moshës 16 vjeç dhe mësohet se kanë vjedhur një laptop dhe katër celularë në dy biznese, përkatësisht dy dyqane me pajisje elektronike gjatë ditëve të fundit në kryeqytet.
Ndalimi i tyre u bë në aksin Shkozë-TEG pas informacioneve se qarkullonin të armatosur.
Gjatë ndjekjes, drejtuesi i automjetit është larguar dhe ka hedhur një pistoletë nga dritarja.
Në tentativë për t’u larguar, drejtuesi i automjetit ka humbur kontrollin dhe e ka përplasur automjetin me trafikndarësen.
Në cilësinë e provës materiale u sekuestruan automjeti, një armë zjarri pistoletë, një laptop dhe 11 celularë.
Vijon puna për dokumentimin e vjedhjeve të tjera që janë kryer nga këta shtetas.
