KURBIN-Të shtëna me armë zjarri në Kurbin. Raportohet se një 29-vjeçar i identifikuar me iniclaet F.I ka qëlluar me armë drejt makinës së ish-deputetit socialist Armando Prenga. Denoncimin në polici e ka bërë vetë Prenga ndërkohë që fatmirësisht nuk raportohet për të lënduar.
NJOFTIMI I POLICISË:
Kurbin/Informacion paraprak. Shtetasi A. P., 49 vjeç, ka njofuar sallën operative të Komisariatit të Policisë Kurbin se në Fushë Kuqe, ndërkohë që qarkullonte me automjet, shtetasi F. I., 29 vjeç, kishte qëlluar me armë zjarri pistoletë në drejtim të automjetit të tij. Nga të shtënat nuk ka asnjë shtetas të dëmtuar. Menjëherë, shërbimet e Policisë kanë shkuar në adresën e dhënë, kanë rrethuar zonën dhe po vijojnë kontrollet, me qëllim lokalizimin dhe kapjen e shtetasit F. I., i cili është shpallur në kërkim, bashkë me automjetin tip “Benz” me të cilin është larguar. Ndërkohë, grupi hetimor, në drejtimin e Prokurorisë, po vijon veprimet hetimore për sqarimin e rrethanave të këtij rasti.
