KUKËS– Është zbuluar idnetiteti i efektivit të Policisë qëlloi me armë zjarri refugjatin në Milot – Kukës, në vendin e quajtur “Rubik”, duke i shkaktuar një plagë në brinjë, por fatmirësisht nuk i rrezikoi jetën. Bëhet fjalë për efektivin 29-vjeçar Kyvet Balaj, i cili është pezulluar nga detyra e tij. Por ende ka dritëhije në lidhje me ngjarjen.
E gjitha nisi pasi të riut i kishte marrë vëmendjen një furgon Volkswagen, i cili ecte me shpejtësi dhe në mënyrë jo të rregullt, ndaj dhe u vu në ndjekje të tij, së bashku me kolegët “Shqiponja”. Teksa ndiqnin furgonin poshtë nënkalimit të fshatit Mamës-Kukës, pas rreth 100 metrash, drejtuesi i mjetit Klevis Gjoni ndaloi dhe tentoi që të largohej me vrap, e po ashtu edhe të tjerët që ndodheshin në të njëjtin mjet me të. Në këtë moment, punonjësi i policisë ka nxjerrë armën dhe pasi ka qëlluar dy herë në ajër ka vazhduar ndjekjen e tyre, por duke qenë terren i vështirë me shkurre dhe lagështirë dhe në kushtet e errësirës është penguar.
Ndaj dhe justifikohet se: kishte kryer qitje të pavullnetshme me pistoletën që mbante në dorë. Për pasojë, është plagosur shtetasi egjiptian M. H. G, i cili ka marrë një plagë me armë zjarri në pjesën e shpinës. Përveç egjiptianit Muhamet Harbi, i cili u plagos me armë zjarri, i plagosur mbeti dhe shoferi, i cili pësoi lëndime të lehta pasi u rrëzua nga një lartësi rreth 3 metra gjatë ndjekjes nga ana e punonjësve të Policisë. Pasi kanë marrë ndihmën e parë në Spitalin Rajonal të Kukësit, ata janë përcjellë për në Spitalin e Traumës Tiranë dhe aktualisht janë jashtë rrezikut për jetën. Në vendin e ngjarjes janë gjetur 3 të gëzhoja “GLOK” që i përkasin armës së punonjësit të Policisë.
