Një ngjarje e rëndë u regjistrua mbrëmjen e kësaj të mërkure në Tiranë ku një efektiv i repartit “Shqiponja” u qëllua me dy plumba.
Efektivi Edlir Alleshi mori dy plagë plumbi në bark nga 42-vjeçari Klored Bozhani dhe ndodhet në kujdesin e mjekëve, fatmirësisht jashtë rrezikut për jetën.
Polici së bashku me një koleg ka ndërhyrë pas një telefonate në sallën operative, për neutralizimin e një të dyshuari që lëvizte me armë në zonën e Kinostudios.
Dy efektivët e “Shqiponjave” janë vënë në ndjekje të personit që paraqiste rrezikshmëri, por ky i fundit ka qëlluar dy herë në drejtim të tyre.
Policia e Shtetit ka shpërndarë fotot e Bozhanit dhe paralajmëron qytetarët të njoftojnë menjëherë nëse e konstatojnë pasi është person i armatosur dhe përbën rrezik.
Klored Bozhani mësohet se vuan edhe nga probleme të shëndetit mendor.
LEXO EDHE:
