BERAT– Detaje të reja janë zbardhur në lidhje me ngjarjen e rëndë të regjistruar në Skrapar ku 34-vjeçari Luftim Tërpollari qëlloi me armë zjarri mbi banesën e një 61-vjeçari. Në fillim u raportua se ngjarja ka ndodhur pas një debati për motive të dobëta por mësohet se Tërpollari ishte nisur në banesën e 61-vjeçarit për të rrëmbyer një nga vajzat e tij. Me këtë të fundit ai ishte në lidhje me kohësh.
Por me sa duket i riu nuk ka pasur pëlqimin e prindërve të vajzës të cilët dhe këtë të martë e kanë kundërshtuar lidhjen e tyre dhe nuk ia kanë dhënë vajzën. Pas kësaj Tërpollari ma karrë kallshnikovin dhe ka qëlluar në muret e jashtme të banesës së S.H.
Në momentin e të shtënave në banesë kanë qenë katër anëtarë të familjes. Fatmirësisht asnjë nuk ka marrë lëndime. E gjithë kjo ngjarje mund të kishte përfunduar në tragjedi nëse Luftim Tërpollari do kishte hyrë brenda banesës dhe të kishte qëlluar.
