TIRANË–Martin Nikolla, shoferi i kryeparlamentares Lindita Nikolla është përjashtuar nga Garda e Republikës së Shqipërisë pas përfshirjes së tij në një konflikt të dhunshëm këtë të dielë, ku dhe qëlloi në ajër me armën e shërbimit. Lajmi është bërë me dije nga Ministria e Brendshme përmes një reagimi për mediat.
Ministria e Brendshme: Garda e Republikës është informuar nga Drejtoria Vendore e Policisë Durrës mbi përfshirjen e një efektivi të Gardës në një incident të dhunshëm, në Hamallaj, ku dyshohet se inspektori M.N., ka përdorur edhe armën e shërbimit. Me urdhër të Ministrit të Brendshëm është bërë përjashtimi i menjëhershëm i këtij punonjësi, nga radhët e Gardës së Republikës. Ndërkohë Policia e Shtetit ka bërë ndalimin e tij.
