Kryeminstri Albin Kurti gjatë mbledhjes së qeverisë njoftoi se familjes së Afrim Bunjakut, policit të Kosovës i cili u vra nga grupi terrorist serb në 24 shtator në Banjskë të Zveçanit do t’i jepet 50 mijë euro shpërblim.
Kurti u shpreh se ky është një detyrim për të ndihumar familjen e policit, i cili ra në krye të detyrë, në betejë për ligj dhe kushtetueshmëri.
Pjesë nga fjalimi i tij gjatë mbledhjes:
“Pika e dytë është, shqyrtimi i propozim vendimit, për mbështetje të familjes së rreshterit Afrim Bunjaku, të rënë në detyrë në Banjskë të Zveçanit, në betejë të Kosovës për ligj dhe kushtetueshmëri. Aty e kishim Afrimin, ndërsa për famlijen e tij, sot e çdo ditë tjetër është e gjithë Kosova. Është obligim i yni, që kemi përballë vetmohimit të Afrimit, ne sadopak ta përmbushim me atë çka mundemi e kemi, për atë që ai la mbrapa, bashkëshorten, vajzën dhe dy djemtë.
Ai gjithashtu thekson se nga dita e sotme do të aprovojnë vendimin për ndarje prej 50 mijë euro për t’i ndarë në ndihmë familjes së Afrimit.
