Qeveria italiane, bonus për qytetarët që përdorin transportin publik
Nga shtatori, qytetarët italianë që përdorin transportin public do të përfitojnë një bonus prej 60 eurosh. Bonusi i transportit është pjesë e të ashtuquajturit dekret i ndihmës, dhe është propozuar nga Ministria e Punës dhe Politikave Sociale, në marrëveshje me Ministrinë e Ekonomisë dhe të Financave dhe të Infrastrukturës.
“Kjo është një mbështetje konkrete për studentët, punëtorët, pensionistët, për të gjithë ata qytetarë që përdorin transportin publik, rrugor dhe hekurudhor, të cilin do të përpiqemi ta bëjmë strukturore edhe për vitin e ardhshëm”, deklaron ministri i Punës, Andrea Orlando.
“Kjo masë, e krijuar për të mbështetur njerëzit ekonomikisht më të brishtë në një kohë të vështirë si kjo aktuale, është një mundësi për të inkurajuar përdorimin e transportit publik lokal dhe është shembull i një mase që, siç shpresojmë, do të ketë edhe efekte pozitive nga pikëpamja e qëndrueshmërisë sociale dhe mjedisore”, shtoi ministri i Infrastrukturës dhe Lëvizshmërisë së Qëndrueshme, Enrico Giovannini.
