TIRANË– “Shkrirja e Bordit të Karburanteve nuk pasohet nga një ulje e çmimeve të hidrokarbureve“, këtë e bën me dije Kofidustria përmes një njoftimi për mediat ku shprehet se mungesa e qartë e standardeve të konkurrencës nuk do të sjellë uljen e çmimit, por përkundrazi, rritjen e tij.
NJOFTIMI:
Konfindustria, duke marrë shkak nga shfuqizimi i Bordit të Transparencës vlerëson, se vendimi nuk pritet të sjellë asnjë ulje të çmimeve të karburanteve në treg, përkundrazi mund të përkeqësohet më tej. Arsyeja e përfundimit të mësipërm është mungesa e konkurrencës së lirë në tregun e karburanteve, si pasojë e pranisë së oligopoleve dhe marrëveshjeve të tipit kartel. Mungesë e qartë e standardeve të konkurrencës vërehen sidomos në pjesë të caktuara të zinxhirit tregtar si shërbimet portuale, të depozitimit dhe të tregtisë me shumicë të karburanteve. Konfindustria përsërit kërkesën për krijimin e Entit Rregullator të Karburanteve sipas modeleve të ngjashme të sukseshme në Rajon
