TIRANË– Shqipëria do të ketë selinë e saj diplomatike në Kiev. Këshilli i Ministrave ka vendosur ditën e sotme hapjen e ambasadës shqiptare ne Kiev.
Vendimi, me firmën e kryeministrit Edi Rama, për hapjen e ambasadës është paraprirë nga një tjetër VKM, e cila mbylli Misionin e Posaçëm të Republikës së Shqipërisë në Kiev.
Ambadada pritet të nisë punë brenda këtij viti. Ajo do të do të ngrihet me buxhetin e Ministrisë për Europën për Punët e Jashtme. Kryeministri Rama dhe ministrja e Jashtme Olta Xhaçka e lajmëruan hapjen e ambasadës në 30-vjetorin e marrëdhënieve diplomatike mes dy vendeve.
V E N D I M PËR HAPJEN E MISIONIT DIPLOMATIK TË REPUBLIKËS SË SHQIPËRISË NË KRYEQYTETIN E UKRAINËS, KIEV
Në mbështetje të nenit 100 të Kushtetutës dhe të pikës 1, të nenit 21, të ligjit nr.23/2015, “Për shërbimin e jashtëm të Republikës së Shqipërisë”, me propozimin e ministrit për Evropën dhe Punët e Jashtme, Këshilli i Ministrave
V E N D O S I:
1. Hapjen e Misionit Diplomatik “Ambasadë” të Republikës së Shqipërisë në kryeqytetin e Ukrainës, Kiev.
2. Për hapjen e këtij misioni diplomatik, shpenzimet do të përballohen nga buxheti i Ministrisë për Evropën dhe Punët e Jashtme për vitin 2023.
3. Ngarkohet Ministria për Evropën dhe Punët e Jashtme për zbatimin e këtij vendimi.
Ky vendim hyn në fuqi menjëherë dhe botohet në “Fletoren zyrtare”.
K R Y E M I N I S T R I
EDI RAMA
