Në Prishtinë ndizen qirinj për nder të policit të vrarë në veri, Afrim Bunjaku.
Zyrtarë të shtetit, përfshirë kryeministri e Kosovës, Albin Kurti, dhe qytetarë u mblodhën të dielën në mbrëmje para stacionit policor në Prishtinë.
Ata ndezën qirinj në nder të zyrtarit të Policisë së Kosovës, Afrim Bunjaku, i cili u vra nga persona të armatosur të dielën në mëngjes në veri të Kosovës.
Edhe ambasadori i Shteteve të Bashkuara në Prishtinë, Jeffrey Hovenier, mori pjesë në ndezjen e qirinjve.
Policia ka thënë se u sulmua në fshatin Banjskë të Zveçanit, ku janë plagosur edhe tre zyrtarë policorë.
Si pasojë e sulmeve të vazhdueshme, Policia ka konfirmuar vrasjen e tre terroristëve serbë dhe arrestimin e një tjetri.
Autoritetet e Kosovës kanë fajësuar Serbinë për organizimin e grupit kriminal dhe vrasjen e zyrtarit policor.
/ Newszone
