Një nënë ka ngritur shqetësimin e saj për cilësinë e qumështit pluhur që ka blerë në Shqipëri, duke pretenduar se ai ndryshon nga ai që blinte në Angli.
Ajo ka bërë një krahasim mes ambalazheve të qumështit pluhur Kendamil, një kutie në Angli dhe kutisë tjetër të blerë në Shqipëri në farmacinë “Ditë & Natë”, dhe ka vënë re dallime të dukshme.
DENONCIMI
”Par 2 ditesh kam ardhur nga Anglia dhe si gjithmone mora qumshtin pluhur Kendamil per gocen.
Kur vi ne Shqiperi, dhe po beja krahasimin e amballazhit me del krejt e kunderta. Tani po friksohem aq shum sa nuk di cka ka pir femija im ne kto 14 muaj pasi nuk kisha qumesht gjiri per ta ushqyer.
Ju lutem publikojeni😭😭😭😭. Thjesht te informohen njerzit se me ca mbeturinash po i ushqejm femijet tan😕😕😕 Ai qe lexon lart Kendamil esht bler ne Angli ai tjr qe ska asgje te shkruar tek Dite e Nate ne Institut.”
Në denoncimin e saj, ajo tregon se është kthyer në Anglia dy ditë më parë dhe ka sjellë qumështin që për vajzën e saj në farmacinë Ditë & Natë të Eduart Currajt, qumështin pluhur të cilin e ka përdorur për 14 ditë.
Kur e krahasoi me produktin që gjeti në Shqipëri, ajo vuri re se nuk kishte asgjë të shkruar në ambalazhin e qumështit të blerë tek “Ditë & Natë” në Shqipëri. Kjo situatë e ka lënë të frikësuar dhe të pasigurt për atë çfarë ka konsumuar fëmija i saj gjatë gjithë kësaj periudhe, pasi nuk ka pasur mundësi të ushqejë me gji.
Nëna bën thirrje që ky denoncim të publikohet për të informuar prindërit dhe për të rritur ndërgjegjësimin mbi produktet që u ofrohen fëmijëve, duke i quajtur “mbeturina”. Ajo kërkon që autoritetet dhe farmacitë të jenë më të kujdesshme me produktet që shiten dhe të sigurojnë cilësinë e tyre.
JOQ ka kontaktuar për reagim me rrjetin e farmacive të Eduart Currajt, por deri në publikimin e këtij artikulli nuk ka arshur asnjë përgjigje.
Kujdesi dhe verifikimi i produkteve ushqimore për fëmijët është thelbësor, dhe ky denoncim ngre një çështje serioze për standardet e sigurisë dhe kontrollit të cilësisë në tregun shqiptar. /JOQ
