SHKUP– Kryeministri Edi Rama e ka cilësuar si gabim mospjesëmarrjen e Kosovës në nismën e ‘Ballkanit të Hapur“. Gjatë fjalës së tij në konferencën e përbashkët me homologun e Maqedonisë së VeriutDimitar Kovaçevski Rama tha se nuk është openduar për këtë nismë dhe se 1000 herë të kthehej pas do ta ribënte pasi sipas tij i ka sjellë vetëm të mira Ballkanit.
Edi Rama: Pyetjen e bën sikur unë kam bërë një faj nga i cili unë kam nxjerrë një mësim. Ballkanin e Hapur 1000 herë të kthehesha mbrapa 1000 herë do ti ribëja. Është një nga 72 iniciativat që ka në këtë rajon. Çfarë e keqe i ka ardhur nga Ballkani i Hapur Rajonit përveç të mirave. Merrini shikoni shifrat e tregtisë midis vendeve dhe mos harroni se çfarë është bërë nuk zhbëhet. Edhe Procesi i Berlinit ka përfituar nga Ballkani i Hapur shtysën. Nuk e kuptoj sesi ka akoma dyshime për këtë kur faktet flasin qartë. Sa i përket asaj të vëllazërisë apo të gjakderdhjes mendoj se është rruga më e gabuar e mendimit shqiptar sot. Nuk ka rrugë më të gabuar se sa të vazhdojmë të rrijmë në të shkuarën dhe për më tepër të anatemojmë njeri tjetrin dhe të grindemi me njëri-tjetrin se kush është patrioti i vërtet. Patrioti i vërtetë është ai që do vendin e vet.
