TIRANË– Kryeministri Edi Rama nuk i ka kursyer batutat me arkitektin Bjarken Ingels, i cili dhe ka projeltuar ndërtimim e Teatrit të ri Kombëtar.
Duke folur në përurimin e ndërtimeve kreu i qeverisë tha se arkitekti është një nga më të mirët në vend dhe nga më të shtrenjtit, por që ka arritur të bëjë Pazar të mirë me të. Madje Rama e vuri dhe në sedër duke i thënë me humor se do të japë llogari para Shën Pjetrit kur ta pyesë se çfarë ka bërë në këmbim të fitimeve të mëdha që ka marrë.
Edi Rama: Me thënë të drejtën, është një nga arkitektët më të famshëm, më të admiruar është edhe një nga më të shtrenjtit. I jemi falënderues sepse e ka kuptuar sepse nuk ishte këtu vendi për të vendosur ato tarifa të frikshme që ka studioja e tij. Mund të them që kemi bërë një pazar të mirë në këtë rast dhe i kam thëne Bjarkes, bëje këtë gjë për Shqipërinë dhe shqiptarët, që ta kesh. Ta kesh si argument se do të dalësh para, kur të shkosh tek Shën Pjetri do të të thotë, ‘mirë mor djalë fitove gjithë ato lekë, por ndonjë gjë të mirë për njerëzit bëre, apo punove për kapitalistët dhe të pasurit?’ Do t’i thuash ‘shiko se kam bërë një Teatër atje në Tiranë’. Do shtosh, ‘u ku kam bërë dhe skonto’.
