BRUKSEL– Kryeministri Edi Rama ka kërkuar që Bashkimi Evropian të tregohet vigjilent dhe të kthejë sytë edhe tek vendet e tjera dhe jo vetëm në Ulkrainë, e cila po mpërballet me agresionin rus. Sipas kryeministrit Rama Ukraina është vetëm plaga që duket. Ai tha se duhen parë të gjitha ‘organet’ në tërësi, referuar dhe vendeve të reja e Ballkanit Perëndimor.
“Mendoj që tashmë ky proces duhet thelluar në mënyrë që vendet të vrapojnë më shpejt. Solla përvojën greke me buxhetin, por imagjinojeni vendin me të gjitha vlerat, është shumë e ulët. Për herë të parë që prej shumë kohësh, jam sërish optimist për mundësinë e ndryshimeve të rëndësishme kur bëhet fjalë për Evropën. Fjala ime është që Bashkimi Evropian duhet të nisë të punojë sot për të nesërmen, ditën e nesërme që vjen pas konfliktit. Kjo nuk mund të lidhet vetëm me rindërtimin e Ukrainës, nuk kemi vetëm një Ukrainë në vendin tonë, por një sërë Ukrainash që pritet të shpërthejnë. Ka të bëjë me të gjithë organizmin në tërësi. Ukraina është plaga që duket, por të gjithë organet duhen parë,”, tha Rama.
