TIRANË– Kryeministri Edi Rama ka deklaruar se fiskalizimi është një tjetër histori suksesi. Ky është rezultati i dalë nga mbledhja maratonë e kabinetit qeveritar që po zhvillohet që nga dita e djeshme. Në një postim në Facebook Rama shkruan se se deklarimet, paga dhe sigurimet janë rritur me 7% në sektorin privat nga formalizimi dhe falë kontrolleve sensibilizuese.
“#FISKALIZIMI një histori suksesi me 100% të biznesit të madh dhe 93% të të voglit tanimë online 24/7, dmth më shumë transparencë, më pak informalitet #DEKLARIMET #PAGA & #SIGURIME rritur me 7% në sektorin privat vetëm nga formalizimi, falë kontrolleve sensibilizuese #INVESTIMETeHUAJA direkte 984mln€ janar-shtator 2022 ose 255mln€ më shumë se janar-shtator 2021”, shkruan Rama.
