Këngëtarja Elsa Lila ka qenë e ftuara e radhës në podcastin ‘Flasim” të kryeministrit Edi Rama, ku u ndal te karriera, por edhe ngjarjet e kanë përfshirë kohët e fundit. Bashkë me kryeministrin Edi Rama, kujtuan vitin 2010 kur Elsa Lila iu bashkua grevës së urisë që organizoi atëherë Partia Sociale për çështjen e zgjedhjeve të 2009.
PS, në atë kohë në opozitë, me në krye Edi Ramën, vinte në qendër të kauzës së saj transparencën e zgjedhjeve parlamentare të 2009-ës, si dhe hapjen e kutive të votimit. Kujtojmë se maxhoranca e asaj kohe, me kryeministër Sali Berishën, e kundërshtoi dhe e konsideroi atë kërkesë kërkesë si një precedent negative dhe sfidë ndaj vendimit të gjykatave.
E ndërsa Lila e konsideroi ‘eksperiencë fantastike’, kryeministri Rama e konsideroi ‘çmenduri fantastike’. Socialistët në 2010-ën ngritën çadra në bulevard dhe hynë në grevë urie për disa ditë.
Kryeministri Rama: Se më kujtohet një çmenduri fantastike e jotja, që ishte të hyje në grevën e urisë me të tjerë aty.
Elsa Lila: Ka qenë një eksperiencë fantastike.
Kryeministri Rama: Po, çmenduri fantastike. Për shembull, unë mbaj mend një çmenduri që më pate treguar atëherë, që merreshe me zhytje dhe që ishe shumë e dëshiruar të arrije në një pikë nën ujë ku të të ndalej fryma dhe pastaj të jetoje pa frymë edhe sa kohë mund të jetoje pa frymë dhe pastaj me dilemën që duhet vërtetë të ridalë për ta ri kërkuar frymën apo të pres që të më marrë fryma tjetër që s’është frymë. U arrit ajo pika ku merrej fryma?
