TIRANË– Kryeministri Edi Rama ka dalë këtë të enjte në një konferencë urgjente për mediat sa i përket situatës së tensionuar në veri të Kosovës dhe sanksioneve të parashikuara nga ndërkombëtarëet për Kosovën dhe Albin Kurti nëse propozimet e tyre për zgjidhjen e krizës nuk merren parasysh.
Kreu i qeverisë tha se një ditë më parë i ka dorëzuar presidentit francez, Emmanuel Macron dhe kancelarit gjerman Olaf Scholz, një draft të ri për asosacionin, i punuar nga ekspertë amerikanë dhe i udhëhequr prej tij. Sipas tij Asociacioni është çelësi që do të hapë dyert e Kosovës në integrimin europian.
Edi Rama: E kam ditur që nyja gordiane e dialogut do ishte asociacioni dhe bindja ime është se asnjëra nga palët nuk e do asocionin dhe do bëjë çmos ta shtyjë atë në pafundësi. Uroj që Kosova mos të sanksionohet për vendimet. Besoj çdo ditë e më shumë se krijimi i asosacionit është çelësi për të hapur derën e afirmit ndërkombëtar të njohjes së Kosovës dhe njohjes së saj nga të gjithë dhe uljen në të gjitha forumet ndërkombëtare. Dje i kam përcjellë Macron dhe kancelarisë Scholz, vura në dijeni Charles Michel dhe palën amerikane. është një draft për asosacionin i punuar nga ekspertë amerikanë. Një gjë që është bërë në rast se do të vinte kjo ditëkur palët dhe në këtë rast është i pakuptueshëm qëndrimi i Kosovës, palët nuk po merren dot vesh se kush duhet ta shkruajë këtë tekst. Përmbajtja e draftit është koefidenciale.
