TIRANË– Kryeministri Edi Rama ka deklaruar këtë të premte pas mbledhjes së qeverisë që nga rritja e pagave në sektorin publik do të përfitojnë mjekët, infermierët, mësuesit, zjarrfikësit.
“Një rritje të konsiderueshme pedagogëve të gjithë sistemit universitare me 20%, duke iu dhënë diskrecion që ata të shkojnë në 30%, sepse ato janë autonomë. Infermierët do të kapin bazën prej 87 mijë lekësh dhe kjo bazë shkon përtej 90 mijë lekësh, sipas pozicioneve në punës. Rrisim pagat për sistemin e sigurisë dhe të zjarrfikësit. Pagën e zjarfikësve do ta çojmë në 80 mijë lekë”, tha Rama.
Edi Rama: Detyra jonë është t’u japim shqiptarëve maksimumin e produktit të reformave. Paga e mësuesve në sistemin e ulët nga 49 në 81 mijë lekë, apo tu them mësuesve në arsimimin e mesëm do të shkojë mbi 100 mijë lekë. Në arsimin e mesëm nga 74-95 mijë. Të gjitha këto janë shifra bazë, pastaj vjetërsia e punës dhe kohëzgjatja në detyrë dhe niveli i kualifikimeve bëjnë që gjërat të jenë edhe më mirë. Një rritje të konsiderueshme pedagogëve të gjithë sistemit universitare me 20%, duke iu dhënë diskrecion që ata të shkojnë në 30%, sepse ato janë autonomë. Infermierët do të kapin bazën prej 87 mijë lekësh dhe kjo bazë shkon përtej 90 mijë lekësh, sipas pozicioneve në punës. Rrisim pagat për sistemin e sigurisë dhe të zjarrfikësit. Pagën e zjarfikësve do ta çojmë në 80 mijë lekë. E gjitha kjo do bëhet me dy hapa, tani me mësuesit, sigurinë, mjekët dhe infermierët menjëherë dhe hapi i dytë do jetë prilli i ardhshëm që do bëjmë plotësimin e kuadrit dhe do arrijmë 900 euro pagë mesatare.
Pyetjes se çfarë ndikimi do të ketë kjo rritje në buxhetin e shtetit Rama u përgjigj që ka ndikim por të përballueshëm për arkën e shtetit.
Edi Rama: Do ketë efekt të konsiderueshëm, por të përballueshëm, për cdo detaj tjetër e keni ministren e financave.
Pyetje– Sipas INSTAT, bujqësia ka qëndruar në vendnumëro edhe në vitin 1997, suvencionet për fermerët pse janë përgjysmuar?
Edi Rama: Bujqësia ka pasur vitin e vet më të jashtëzakonshëm. Ne nuk kemi shkurtuar asgjë, fondet që jepen për bujqësi janë dhe fonde të tjera, duhet parë në kompleksitet, do pak punë për ta studiuar, jo më shumë se 1 orë e më pas do kemi një pikturë shumë të qartë.
