Kryeministri i vendit, Edi Rama ka zhvilluar një takim me ministrin e Drejtësisë, Ulsi Manja. Vetëm se këtë herë, Rama dhe Manja kanë zgjedhur të takohen jo në zyrë, por në një nga baret e kryeqytetit, vetëm pak metra larg Kryeministrisë. Paparaci ynë ka mundur t’i fotografojë, teksa ky takim kishte përfunduar dhe dy figurat politike, po largoheshin.
Ajo që na ra në sy është fakti sesi Manja e ka shoqëruar me sy gjatë gjithë kohës Ramën. Teksa e kanë bërë rrugën deri në dalje të barit bashkë dhe duke biseduar, ministri ka qenë tërësisht i përqendruar te kreu i qeverisë, duke mos ia hequr sytë asnjë sekondë. Nga ana tjetër, Rama ka vijuar të ecë dhe të flasë, veçse ka preferuar mos të shohë në sy në asnjë moment bashkëbiseduesin./Panorama
