TIRANË– Vlora Hyseni me origjinë nga Kosova është zonja që kryeministri Edi Rama i ka paraqitur këtë të premte Kreut të Shtetit pëtr të drejtuar Shërbimin Informativ Shtetëror. Hyseni vjen nga një eskperiencë në drejtimin e Inteligjencës pasi ka për katër vite ka qenë pjesë e Shërbimit të Inteligjencës në Kosovë.
Ajo flet disa gjuhë të huaja. Në shkurt të vitit 2019, Vlora Hyseni ishte emëruar zëvendësdrejtoreshë në Agjencinë e Kosovës për Inteligjencë. Gjithashtu ka qenë drejtoreshë për marrëdhënie me jashtë në AKI.
Por Hyseni është shakrkur nga detyra me urdhër të presidentes së Kosovës Vjosa Osmani dhe kryeministrit Albin Kurti për shkelje të rregullave dhe nxjerrjen e informacioneve të klasifikuara. Në njoftimin nga zyra e shtypit e presidences thuhej ky vendimi ishte marrë në mbështetje të nenit 6 (paragrafi 4) të Ligjit për Agjencinë e Kosovës për Inteligjencë.
“Zbulimi ose mosruajtja e informacioneve të klasifikuara paraqet vepër penale të dënueshme sipas Kodit nr.06/074 Penal të Republikës së Kosovës, Ligjit Nr.03/L-178 për Klasifikimin e Informacioneve dhe Verifikimin e Sigurisë dhe legjislacionin tjetër përkatës në fuqi që ka të bëjë me informacionin e klasifikuar”, thuhej në njoftimin zyrtar.
