TIRANË– Kryeministri Edi Rama ka komentuar për herë të parë ditën e sotme njoftimin e bërë nga Ministria për Europën dhe Punët e Jashtme në lidhje me procedurën e zëvendësimit të ambasadores amerikanë në Tiranë Yuri Kim.
Në një deklaratë për mediat pas mbledhjes që zhvilloi me drejtuesit e qarqeve për zgjedhjet vendore Rama tha se nuk ka asnjë krisje në marrëdhënien e tij me diplomatenb amerikane. Me batutë ai u shpreh se përkundrazi marrëdhëniet mes tij dhe ambasadores nuk janë të ‘thyera’ por janë shumë të ‘ngjitshme’.
Në lidhje me faktin se ak kishte një shkelje të etikës për faktin se ishte MEPJ ajo që njoftoi vakancën dhe jo Departamenti I Shtetit kreu I qeverisë tha se nuk ka një shkelje të etikës pasi procedura është nisur nga veytë DASH.
Pyetje: Disa ditë më parë ministria e Jashtme njoftoi zëvendesimim e ambasadores amerikane, pse e bë një njoftim I tillë nga ministria dhe a u thye etika diplomatike?
Edi Rama: Nuk është thyer asnjë etikë. Procesi ka nisur siç është thënë nga ministria e Jashtme. Nuk e kemi nisur ne por Departamenti Amerikan i Shtetit.
Pyetje: Ka një krisje mes jush dhje ambasadores?
Edi Rama: Jo ngjitja mes meje dhe ambasadores është shumë e fortë. Kemi pasur dje një takim të gjatë dhe miqësor. Kush e shpreson krisjen gabon.
