TIRANË-Kryeministri Edi Rama pritet të “fluturojë” drejt Berlinit ku do të zhvillojë një takim “kokë më kokë” me kancalerin gjerman Olaf SDcholz më datë 7 mars. Lajmin e ka bërë me dije kancelaria gjermane. Sipas axhendës, takimi do të nisë në orën 11:15, e më pas do të dalin për të mbajtur një konferencë për mediat në orën 12.30 të mesditës.
Zyra e Kancelarit gjerman bën me dije se në fokus të takimit të dy liderëve do të jetë koordinimi me synimin për rolin pritës të Shqipërisë në Procesin e Berlinit për Ballkanin Perëndimor.
Po ashtu do të diskutohen edhe çështjet dypalëshe, ekonomike dhe të politikës së jashtme dhe procesin e anëtarësimit të Shqipërisë në BE.
