PODGORICË– Kryeministri Edi Rama gjatë fjalës së tij në kongerencën e përbashkët me homologun e Malit të Zi Dritan Abazoviç iu kërkoi gazetarëve të pranishëm që të mos kërkojnë “dorë të fshehtë” në nismën e Ballkanit të Hapur. Kreu i qeverisë u shpreh se nisma nuk ka dalë përtej kornizës së Procesit të Berlinit, por sipas tij “shkurton” burokracitë e pritjes së mbërritjes së kancelarit.
Edi Rama: Unë nuk thashë në Podgoricë se nuk është caktuar qyteti, por shpresoj diku pranë detit. Ndërkohë që poashtu thashë se kryeministri ka shprehur dëshirën për ta bërë këtë dhe u mundova të them dy herë mos kërkoni asnjë lloj dore të fshehtë në nismën e Ballkanit të Hapur. Mos shihni pas Ballkanit të Hapur as kinezë as rusë e as marsianë, e as gjermanë. Kjo është nismë e jona për të jetëzuar dhe zbatuar parimet dhe objektivat e Procesit të Berlinit. Kur ishim në Berlin, që ne e vlerësojmë shumë këtë proces, Shqipëria, Serbia dhe Maqedonia e Veriut rifirmosën marrëveshje që ne i kishim firmosur më herët. Nuk di asnjë marrëveshje të Ballkanit të Hapur që nuk është në kornizën e Procesit të Berlinit. është thjesht kalimi nga ardhja e kancelarit dhe bërja e diskutimit se ku jemi e ku do shkojmë, deri te hera tjetër për të jetësuar gjërat që vendosim. Pse deri kur nisi Ballkani i Hapur, nuk ishte realizuar asnjë marrëveshje?! Zero. Se për këtë është Ballkani i Hapur. Kush do të shohë, rusë, kinezë dhe marsianë është i lirë ti shikojë, nuk ka asnjë problem. Ndërkohë që BH është një rrugë më e lehtë për ata që thonë pa kushte, pa diskutime, eja firmos se ndryshe je jashtë. Pse duhet lënë vetja deri në këtë pikë?
