TIRANË– Ka vijuar me debate dhe ironi seanca plenare pas ardhjes së kryeministrit Edi Rama në sallë. Kreu i qeverisë tha se Partia Socialiste nuk do të votojë kurrë për postin e Avokatit të Popullit një avokat të Partisë Demokratike që ka humbur çdo gjyq me ta. Sipas kreut të qeverisë avokatët që janë në luftë për vula nuk mund të marrin detyrën për të qenë avokat i gjithë shqiptarëve.
Ndërkohë nga ana tjetër pati reagime të shumta nga ana e opozitës të cilët akuzuan Ramën se kërkon të kapë instituciuonin e Avokatit të Popullit. Ndërkohë kreu i qeverisë tha se nuk ka asnjë vendim në mbledhjen e grupit të PS se cili kandidat do të votohet pasi sipas tij socialistët në Kuvend do të votojnë lirshëm, cilën kandidaturë të preferojnë.
DEBATET:
Edi Rama: E keni keqkuptuar ju procesin e avokatit të popullit, nuk funksionon kështu. Ne nuk kemi sjellë këtu që të votohej ndonjë avokat që e kalon jetën duke bërë gjyqe kundër kundërshtarit, kemi gjetur figura që mund të gjejnë, në mos pritjen me krah hapur, pëlqimin me votë. Si do votojmë ne një avokat që ka humbur çdo gjyq me ne, s’ka shans të ndodhë, nuk i votojmë ne ato kandidatura që keni sjellë ju. As njërin që është avokat i partisë tuaj në luftë për vulën, as tjetrin që është kandidat i vulëhumburve. S’ka. Ashtu. Votimi tjetër është votim i lirë i gjithsecilit, kështu që luftën me mafian vazhdojeni në rrugët e fantazive tuaja. Pse bërtet tani, atë dëgjuam a mbarova.
Gazment Bardhi flet nga vendi
Ermonela Felaj: Mos ndërhy, do ketë të drejtë kryetari i grupit të ndërhyjë.
Edi Rama: S’e kemi kurrë problem të themi se çfarë duam të bëjmë. S’kemi marrë asnjë vendim politik për këtë gjë, Nuk e kuptoj pse duhet t’ju japim juve llogari se kë duam të votojmë, po ju them dhe një tjetër arsye. S’do kishim asnjë problem t;jua thonim, ne do të votojmë këtë. Nuk e kemi marrë, ndaj të gjithë do të votojnë lirisht. Luftën me mafian vazhdoni bëjeni me veten. Këta jeni ju, offshore, por unë nuk ua vërtetoj dot. Jeni të njëjtët. thjesht ndryshojnë fytyrat. Kjo është e vërteta.
Gazment Bardhi: Keni lënë gjurmë
Edi Rama: Gjurmë përse.
Gazment Bardhi: Në tentativa për të kapur..
Edi Rama: Për të kapur kë more? Kë? Ah… ju më kujtoni atë shprehjen, i gjëmoni bishtit, vazhdoni se do ta kapni.,
