DERVIÇAN– Kryeministri Edi Rama deklaroi gjatë vizitës së tij në Derviçan krah kryeministrit grek Kyriakos Mitsotakis se sheshi kryesor i Dropullit do të marrë emrin e babait të ndjerë të kryeministrit grek Kostandino Mitsotakis, madje do të ndërtohet dhe një bust në nder të tij. Ai po ashtu ka qenë kryeministër i Greqisë në fillim të viteve ’90. Nuk munfduan as batutat e kreut të qeverisë shqiptare teksa i kërkoi Mitsotakis të jepte fjalën se do merrte pjesë në inaugurimin e sheshit kryesor të Dropullit, ku në përvjetorin e vdekjes së Konstandin Mitsotakis do të vendosej edhe busti i këtij të fundit.
Edi Rama: Tani edhe një shtesë, do dëshiroj që ktu para jush kryeministri t’u japë fjalën bashkë me kryetarin e bashkisë ne kemi përgatitur projektin e rilindjes urbane të gjithë sheshit kryesor që do mbajë emrin e babait të kryeministrit dhe në nderim të tij, do të vendoset edhe busti i kryeministrit. Për të merituar një bust në të ardhmen, Kiriako duhet të vijë nja 5 herë këtu. E para duhet të fitojë zgjedhjet njëherë se si mik mund të vijë sa të dojë po nëse nuk do jetë kryeministër, bust nuk ka. Në përvjetorin e të atit, ne shpresojmë ta kemi këtu. Kështu që Kiriako jep fjalën që do vish këtu për të inauguruar sheshin, bashkë me mua se unë do jem prapë kryeministër”.
