TIRANË– Kryeministri Edi Rama ka bërë me dije këtë të premte se qeveria shqiptare ka nënshkruar një marrëveshje për sigurimet shoqërore me qeverinë e Bullgarisë. Përmes një postimi në rrjetet sociale kreu i qeverisë shkruan se ky është një sukses i Shqipërisë, pasi tashmë do të njihen sigurimet shoqërore për shqiptarët që punojnë në Bullgari, apo anasjelltas.
POSTIMI:
Nënshkruhet Marrëveshja për Sigurimet Shoqërore mes Shqipërisë dhe Bullgarisë. Shqipëria shënon një tjetër sukses në njohjen e sigurimeve shoqërore për shtetasit shqiptarë jashtë vendit. Marrëveshja rregullon sigurimin e shtetasve të Bullgarisë dhe Shqipërisë kur punojnë në të dy vendet, garanton të drejtat e tyre të sigurimit, pagesës së përfitimeve në rast sëmundjesh ose aksidentesh në profesion, si edhe kushtet për dhënien e llojeve të ndryshme të pensioneve
