TIRANË– Është shoqëruar me tensione dhe kritika të forta takimi i kryeministrit Edi Rama me sipërmarrjen. Gjatë fjalës së tij kreu i qeverisë tha se sot nuk ka pagë minimale 40 mijë lekë në ndërtim dhe se është një mashtrim. Sipas tij pronarët nuk japin pagën minimale se duan të blejnë vilën e gjashtë dhe të sigurojnë veten. Sipas Ramës punëtorët prandaj kanë zgjedhur të largohet pasi nuk kanë nevojë vetëm për para buke por dhe të ndihen të sigurt për veten dhe familjen.
Edi Rama: S’ka pagë minimale 40 mijë lekë në ndërtim. Nuk ekziston. Janë gënjeshtra që sipërmarrja kujton se ia hedh shtetit dhe kujton se duke ia marrë punonjësve sigurimet shoqërore e shëndetësore për të blerë vilën e gjashtë do e kenë të ardhmen e sigurt. Jo s’do e kenë se do mbeten pa punëtorë. Punëtorëve s’kanë nevojë për para veç për të blerë bukë por duna të ndihen të sigurtë për veten e familjen.
