TIRANË– Kryeministri Edi Rama ka deklaruar se vendi ynë ka pasur numrin më të ulët të vrasjeve në tre dekadat e fundit. Në një postim në Facebook ku ka publikuar dhe një grafik shprehet se viti që lamë kishte numrin më të ulët të vrasjeve, duke shtuar se kur kjo qeveri e nisi përpjekjen ndaj këtij fenomeni, mesatarja e vrasjeve ishte 100 në vit.
‘#FAKT kuptimplotë që na jep një shembull flagrant të hendekut mes jehonës shurdhuese mediatike dhe realitetit të rënies së vijueshme të krimit. 2022 numri më i ulët i vrasjeve në tre dekadat e fundit. #KUJTESË: Kur ne e nisëm përpjekjen kundër krimit vrasjet ishin 112 në harkun e një viti dhe si rregull mesatarja ishte 100 në vit’, shkruan Rama.
